Walang alam si Defense Secretary Delfin Lorenzana sa itinatag na grupo nina Justice Secretary Vitaliano Aguirre at Public Attorney’s Office (PAO) Chief Atty. Persida Acosta.
Ayon kay Lorenzana, nalaman lamang niya sa balita ang mga grupong Citizen National Guard at Save the Nation Movement nina Aguirre at Acosta na kontra umano sa destabilisasyon.
Sinabi pa ni Lorenzana na plano niya sanang itanong kay Aguirre ang misyon ng nasabing bagong tatag na mga grupo sa kanilang cabinet meeting sa Malakanyang kagabi, subali’t hindi nangyari dahil kapwa aniya sila naging abala.
Tumanggi namang sumagot si Lorenza sa tanong kung may namo-monitor siyang destabilization plot at iginiit na kanya munang kakausapin si Aguirre.
