Hindi saklaw ng inaprubahang unilateral ceasefire o tigil putukan sa pagitan ng militar at ng mga rebelde ang Philippine National Police (PNP).
Ito ang ginawang paglilinaw ng Armed Forces of the Philippines o AFP makaraang lagdaan ni Pangulong Noynoy Aquino ang Suspension of Military Operation o SOMO ngayong Kapaskuhan.
Ayon sa AFP, tuloy pa rin ang gagawing pagpapatrolya ng pulisya sa mga lugar na pinagtataguan ng mga rebelde dahil tanging ang mga opensibang militar lamang ang suspendido.
Layon nitong mapanatili pa rin ang kaayusan at kapayapaan sa mga lugar na pinamumugaran ng mga rebelde kahit may umiiral na tigil putukan.
Paghihikayat naman ng AFP sa mga rebelde, gamitin ang panahon ng Kapaskuhan para mag isip-isip na talikuran ang buhay rebelde bagkus, magbalik loob na sa pamahalaan.
By Jaymark Dagala