Nakataas na sa full alert ang lahat ng regional offices ng Philippine National Police o PNP para sa paggunita ng Undas ngayong Linggo.
Ayon kay PNP Chief Director General Ronald ‘Bato’ Dela Rosa, kanya-kanyang deklarasyon ang mga bawat regional directors ng full alert status sa kanilang kinasasakupan.
Nangangahulugan itong 100 porsyento ang attendance ang lahat ng mga pulis sa mga PNP Regional Offices para tiyakin ang seguridad ng publiko ngayong Undas.
Habang inanunsyo ni Dela Rosa na naka-heightened alert status ang PNP Headquarters sa Kampo Krame kung saan 50 porsyento ng puwersa ng mga tauhan nito ang nakahanda sakaling kailanganing i-deploy.
—-