Ipinababasura ni Solicitor General Jose Calida sa mga mahistrado ng Korte Suprema ang petisyong inihain ni Senadora Leila de Lima na palayain siya sa harap ng mga kasong isinampa laban sa kaniya.
Sa pagpapatuloy ng oral arguments sa high tribunal, ipinunto ni Calida na walang dahilan para bigyan si De Lima ng special treatment lalo’t non bailable ang kaso laban sa kaniya.
Magugunitang kuwesyon ng kampo ni De Lima ang inilabas na warrant of arrest laban sa kaniya ng Muntinlupa Regional Trial Court Branch 204 dahil sa wala itong hurisdiksyon sa kaso.
Ipinaalala rin ni Calida sa mga mahistrado ng Supreme Court na minsan nang nag-ambisyon si De Lima na mamuno bilang Chief Justice nuong 2012 matapos ma-impeach si yumaong dating Chief Justice Renato Corona.
By: Jaymark Dagala
