Umakyat ng 332% ang dengue cases sa Cordillera Administrative Region (CAR) sa unang apat na buwan ng 2022.
Ayon kay Alexander Baday, entomologist sa Department of Health-CAR, nasa 883 cases ang naitala mula Enero hanggang Abril ngayong taon na mas mataas kumpara sa 204 cases noong isang taon.
Binanggit ni Baday na sa nasabing bilang ay tatlo ang pumanaw.
Dahil dito, mas pinaigting pa ng DOH-CAR ang pagsasagawa ng ‘search & destroy’ o ang paghahanap, pagsira at pagtanggal sa mga bagay o lugar na maaaring pinamumugaran ng lamok.