Maaari nang makausap ng kanilang pamilya ang mga coronavirus disease 2019 (COVID-19) patients na nasa Philippine General Hospital (PGH).
Sa pamamagitan ito ng telepresence computers na dinevelop ng UP College of medicine Surgical Innovations and Biotechnology.
Ang computer system ay magsisilbing e-dalaw o e-bisita na magiging daan upang makita at makausap ng kanilang mga mahal sa buhay ang pasyente ng COVID-19.
Dapat anilang tandaan na ang mga pasyente ng COVID-19 ay hindi lamang istatistika kundi mga taong may pamilyang nagmamahal at minamahal.
Sa kanilang facebook page, sinabi ng UP College of Medicine na magagamit rin ng mga doktor at nurses ang telepresence computers para i-monitor o makausap ang kanilang mga pasyente at mabawasan ang kanilang exposure sa mga carrier ng coronavirus.
Kaugnay nito, nagpasalamat ang UP College of Medicine sa Xavier School Batch 75 na nag-donate ng mga computers.