Lusot na sa House Committee on Ways and Means ang panukalang patawan ng value added tax ang digital transactions sa bansa.
Inaprubahan ng Komite ang substitute bill na naglalayong amiyendahan ang National Internal Revenue Code of 1997.
Ayon sa Department of Finance (DOF) dagdag na P10-bilyong ang inaasahang kikitain ng gobyerno sa sandaling maisabatas ang nasabing panukala kung saan nakasaad ang pagsingil ng 12% tax mula sa kanilang gross receipts ng non-resident digital service providers o yung mayruong online platform na ginagamit sa pagbili at pagbenta ng mga produkto o serbisyo tulad ng Netflix.
Bubuwisin din ang third party platforma tulad ng Lazada at Shopee at maging ang supplier ng digital services.
Muling ipinabatid ng DOF na walang kinikita ngayon ang gobyerno sa digital transactions na dumadaan sa mga non-resident digital service providers.