Muling isasampa ng pamilya ng pinaslang na si Batuan, Masbate Vice Mayor Charlie Yuson III ang kasong murder laban sa apat (4) na inarestong suspek sa krimen.
Ito ay matapos palayain ng Manila City Prosecutor ang mga suspek na sina Bradford Solis Fuerte, Juanito de Luna Bustamante, Rigor Dela Cruz, at Junel Gomez Reyes at ipag-utos ang karagdagang imbestigasyon sa kaso.
Ayon kay Atty. Edward Marcaida, abogado ng pamilya Yuson, maituturing na iregular ang nangyari.
Binigyan lamang aniya sila ng dalawang (2) araw para maihanda ang mga kinakailangang affidavits kaya may mga testigong hindi pa nakapagbibigay ng mga sinumpaang salaysay.
Dagdag pa ni Marcadia, nangangamba rin ang pamilya yuson na magtago na ang apat (4) na suspek matapos na palayain lalu na’t hindi pa aniya natutukoy ang mastermind sa krimen.
