Nagpalitan ng matatamis na mensahe ang mag-asawang sina Regine Velasquez at Ogie Alcasid kasabay ng pagdiriwang ng kanilang 9th wedding annivesary.
Sa kanyang instagram post, sinabi ni Regine na hindi nagbago ang ginagawang pagpapatawa, pagpapasaya at ibinibigay na pagmamahal sa kanya ni Ogie magmula nang ikasal sila 9 na taon na nakakaraan.
Dagdag pa ni Regine siya ang nagbago dahil mas mahal niya na ngayon ang asawang Ogie kaysa noon.
Sa naging mensahe naman ni Ogie, kanyang inilarawan bilang blessing ang pagsisimula nila ng aniya’y “beautiful journey” 9 na taon na ang nakakalipas.
Nagpasalamat din si Ogie sa pagpayag ni Regine na maging bahagi siya ng buhay nito.
Ikinasal sila Regine at Ogie noong December 22, 2010 sa Terrazas de Punta Fuego Nasugbu Batangas at biniyayaan sila ng isang anak na si Nate.
