Nag-anunsiyo na rin ng early dismissal ang Malacañang para sa kanilang mga kawani sa ilalim ng Executive branch ngayong Lunes bilang paggunita sa 27th National Family Week.
Sa ilalim ng Memorandum Circular 65, nakasaad na suspendido na ang pasok sa lahat ng tanggapan ng gobyerno mula 3 p.m. ngayong araw.
Samantala, nasa desisyon naman ng iba pang sangay ng gobyerno at ibang mga kumpanya ang pagsuspinde ng pasok ng trabaho ng kanilang mga empleyado.
Magugunitang una nang nag-anunsyo ang Korte Suprema ng early dismissal ngayong araw bilang pakikibahagi sa naturang pagdiriwang.
Ilang lugar na rin sa Metro Manila ang nagsuspinde ng klase mamayang 2 p.m..