Masayang sinalubong hindi lamang ng mga Tsinoy kundi maging ang mga Pilipino, ang Year of the Fire Monkey.
Pinangunahan ni Manila Mayor Joseph Erap Estrada at mga miyembro ng Filipino Chinese Business Community ang pagsalubong sa Chinese New Year.
Sa pamamagitan ito ng bonggang fireworks display at umulan ng confetti sa Chinatown Gateway Arch sa Binondo.
Halos 10,000 tao ang nakisaya sa libreng concert at nakikain sa pinaghati-hating tikoy.
Naging abala ang Filipino Chinese community sa iba’t ibang paghahanda kung saan isa sa mga naging highlight ang cultural performance ng mga estudyante at Chinese rituals tulad na lamang ng pagdarasal sa Buddhist altar at pagsisindi ng insenso.
Lucky Charms
Samantala, muling nagbabala ang Ecowaste Coalition sa mga pampasuwerteng mabibili sa Binondo, Quiapo at Divisoria na mayroong mataas na lead content.
Kabilang sa mga lucky charms ang money figurine, dragon at Buddha statue, bagua, lucky coin at iba pa.
Ang mga nasabing lucky charms ay nagkakahalaga ng P20 hanggang P50.
By Judith Larino