Ipinauubaya na ng Department of Education (DepEd) sa mga paaralan ang pasya kung saan idaraos ang graduation at moving up ceremonies sa gitna ng suspensyon ng klase dahil sa coronavirus disease 2019 (COVID-19).
Ito ayon kay Education Undersecretary Annalyn Sevilla ay kasunod nang pag kansela sa graduation rites sa April 3.
Sinabi ni Sevilla na maaari namang i-reschedule o tuluyan nang huwag ituloy ang graduation rites subalit kailangan munang konsultahin ang mga mag aaral at estudyante hinggil dito.
Una nang idineklara ang suspensyon sa pasok at school activities sa lahat ng antas sa buong Luzon hanggang April 14.
