Isang oportunidad para sa iba pang tourist destination ang anim na buwang pagpapasara sa isla ng Boracay, Aklan.
Ayon sa Department of Tourism, marami pang mga pasyalan ang maaaring bisitihan ng mga lokal at dayuhang turista lalo’t hindi naman mauubusan ng atraksyon sa bansa.
Kabilang sa mga maaaring pasyalan ang Palawan kung saan matatagpuan ang Puerto Princesa Underground River, El Nido at isla ng Coron na hindi masyadong “crowded” tulad sa Boracay;
Caramoan sa Camarines Sur; Binurong Point sa Catanduanes na mala-Batanes ang tanawin maging sa Baler, Aurora at Siargao Island, Surigao del Norte kung saan maaaring mag-surfing dahil sa lakas ng alon.
