Walang nakikita ang London Police na may naganap na foul play sa pagkamatay ng lead singer ng bandang Cranberries na si Dolores O’Riordan.
Sa inilabas na pahayag ng pulisya, hindi nila tinatratong isang kahina-hinala ang pagkamatay ng 46-anyos na singer.
Magugunitang natagpuang wala nang buhay ang singer sa kuwarto ng hotel na kaniyang tinutuluyan sa London.
Taong 1993 ng sumikat ang si O’Riordan kung saan pumangalawa ang banda nito sa Ireland bilang best-selling rock band kasunod ng bandang U2.
Ilan sa mga sumikat na kanta ng banda ay ang Zombie, Linger, Dreams at Promises.
—-
