Wala na umanong atrasan ang pagkalas ng Pilipinas sa International Criminal Court.
Ito ang inihayag ni Communications Secretary Martin Andanar sa harap ng mga panawagang pagkakaroon ng dayalago para manatili ang bansa bilang miyembro ng nasabing international body.
Ayon kay Andanar, disedido na ang pangulo sa kaniyang pasya kaya’t tuloy ang withdrawal.
Dagdag pa ni Andanar na hindi kailangan ng Pilipinas ang ICC dahil maayos namang naipatutupad ang judicial system sa bansa.
Isang patunay umano dito ang nangyaring pagpapakulong sa dalawang pangulo noon.
