Inihayag ng regional health office ng Davao City ang naitalang record high ng COVID-19 cases matapos umabot sa 1,923.
Buhat dito, pumalo na sa 7,930 ang kabuang kaso sa lalawigan.
Ayon kay Regional Epidemiology and Surveillance Unit head Dr. Rachel Pasion, ang biglaang pagtaas ng kaso ay maaaring dahilan ng Omicron variant kung saan limang kaso na ang naitala.
Gayunpaman, naglabas ng abiso sa publiko ang DOH Davao Center for Health Development mula Enero a-21 hanggang Enero a-25 para sa disinfection bilang preventive measure kontra COVID-19.
Samantala, naglabas rin ng abiso ang Southern Philippines Medical Center na moderate to critical COVID-19 cases na muna ang kanilang tatanggapin dahil sa pagtaas ng bed occupancy ng ospital. —sa panulat ni Kim Gomez