Ikinagulat ng Philippine Drug Enforcement Agency o PDEA ang pagkaka – absuwelto ng aktor na si Mark Anthonty Fernandez sa kabila ng kinakaharap nitong drug case.
Ayon kay PDEA Director General Aaron Aquino, siya ang direktor ng Philippine National Police (PNP) – Region 3 nang maaresto si Fernandez sa Angeles City, Pampanga noong Oktubre 3 ng isang taon.
Dagdag pa ni Aquino, malakas ang kaso laban sa aktor kaya’t nakapagtatakang nabasura ito.
Magugunitang nasabat mula kay Fernandez ang nasa isang kilo ng marijuana na tinatayang P15,000.00 ang halaga.
Gayunman, irerespeto aniya nila ang rule of law at susuportahan ang anumang ligal na hakbang ng PNP laban sa aktor.
