Mula sa animnaraang (600) mga bisita ay lumobo na ngayon sa 900 ang guest list para sa kasal ng Kapamilya actress na si Kaye Abad sa kanyang fiancé na si Paul Jake Castillo.
Ayon kay Kaye, 180 katao lamang sa mga ito ang kanyang mga kapamilya at kaibigan.
Aniya, talagang malaki ang pamilya ng kanyang mapapangasawa bukod pa sa kaibigan at kakilala.
Inaasahan namang dadalo sa kasal ni Kaye ang mga co-star nito sa dating youth oriented show na Tabing Ilog na sina John Lloyd Cruz, Jodi Sta. Maria, Paolo Contis, Desiree del Valle, Baron Geisler, Patrick Garcia at iba pa.
Isang rustic theme church wedding na pinapangarap ni Kaye ang mangyayari sa Cebu City sa susunod na buwan.
By Rianne Briones
