Pagkabagot…
Ito ang ikinumpisal na dahilan ng IT graduate na naarestong nag-hack sa website ng Commission on Elections (COMELEC).
Ayon sa 23-anyos na si Paul Biteng, wala siyang magawa nang mga panahong yun at ang pag-hack sa website ang kanyang naisipan.
Sinabi ni Biteng na napili niya ang website ng COMELEC dahil ang ahensya ang mainit na pinag-uusapan noong mga panahong iyon kung saan ay ayaw umano ng COMELEC na ipatupad ang lahat ng safety features sa vote counting machines para matiyak na walang magiging dayaan sa eleksyon.
Dahil dito, hinack ni Biteng ang website ng COMELEC upang bigyang boses aniya ang mga taong walang boses at maiparating sa COMELEC na madali lamang na magagawa ito sa website ng ahensya.
Sa kabila nito, nilinaw ni Biteng na wala sa plano ang pag-leak sa mga personal na impormasyon ng halos 55 milyong Pilipinong botante.
By Ralph Obina