Kinontra ng IBP o Integrated Bar of the Philippines President Abdiel Dan Elijah Fajardo ang plano ni Pangulong Rodrigo Duterte na magtayo ng investigating body para imbestigahan ang Office of the Ombudsman.
Giit ni Fajardo, dapat maging bukas sa anumang imbestigasyon ang Pangulo at lahat ng mga halal na opisyal ng bansa.
Sinabi pa ni Fajardo na pagpapakita lamang ng pagiging ‘pikon’ at ‘balat sibuyas’ ng Presidente ang nasabing plano nito.
Matatandaan na nagbanta ang Pangulong Duterte na bubuo ng komisyon para imbestigahan ang Ombudsman kapag itinuloy nito ang imbestigasyon sa mga tagong yaman umano ng punong ehekutibo at pamilya nito.
