Sumampa na sa 20 pulis at 20 raliyista ang sugatan sa kanilang marahas na engkwentro sa unang araw ng 31st ASEAN Summit, kahapon.
Nagkainitan ang mga pulis at raliyista sa gitna ng demonstrasyon ng mga makakaliwang grupo sa Padre Faura Street, Ermita, Maynila.
Ayon kay Supt. Ronald Hipolito ng joint task group peace and order, isang demonstrador na miyembro ng grupong Karapatan naman ang inaresto.
Tinangka anya ng mga demonstrador na makalampas sa mga pulis subalit nabigo sila makaraang tapatan ng sonic weapon na LRAD o Long Range Acoustic Device, bombahin ng water cannon at harangan ng malaking pwersa ng P.N.P.
Una nang pinaalalahanan ni MPD o Manila Police District Spokesman Supt. Erwin Margarejo ang mga militante na manatiling kalmado sa kanilang mga isinasagawang pagkilos.