Inaasahan na ni Senador Panfilo Lacson ang pagbawi ng Malakaniyang sa naunang pahayag ng Pangulong Rodrigo Duterte na pagpabor kay CIDG Region 8 Director Marvin Marcos sa isyu nang pagpatay kay Mayor Roland Espinosa ng Albuera, Leyte.
Sinabi ni Lacson na hindi muna siya magko komento dahil posibleng sa mga susunod na araw ay ihayag ng mga tagapagsalita ng Pangulo na biro lamang ang nasabing pahayag.
Gayunman ipinabatid muli ni Lacson na tuloy ang imbestigasyon ng kaniyang komite hinggil sa nangyaring pagpaslang kay Mayor Espinosa bagamat hindi pa nila naitatakda ang susunod na pagdinig.
By: Judith Larino
