Kumpiyansa ang susunod na hepe ng Pambansang Pulisya na mawawala na ang problema sa mga nangongotong na mga Pulis kapag tinaasan na ang kanilang suweldo.
Ayon kay General Ronald Dela Rosa, wala nang maidadahilan pa ang mga pulis na kinakapos sa budget kaya nangongotong.
Kapag tumaas na, aniya, ang sweldo, tiyak na magdadalawang-isip na ang mga pulis na gumawa ng kalokohan dahil panghihinayangan ang laki ng kanilang suweldo.
Ngunit babala ng Heneral, agad na matatanggal ang mga ito sa serbisyo sa oras na maireklamo ng kotong.
Batay sa rekomendasyon ni Senador Alan Peter Cayetano kay incoming President Rodrigo Duterte, gagawing P. 50,000 ang basic salary ng isang Police Officer 1.
Kukunin ang salary increase ng mga pulis sa karagdagang collection ng buwis ng Bureau Of Customs.
By: Avee Devierte