Isinisi ni Iranian Supreme Leader Ayatollah Ali Khamenei sa Kingdom of Saudi Arabia (KSA) at United Arab Emirates (UAE) ang pag-atake sa isang military parade kung saan 25 ang patay.
Ayon kay Khamenei, naghire ng armadong grupo ang Saudi at UAE upang ilunsad ang pamamaril sa lungsod ng Ahvaz.
Inakusahan din ng Iran ang United States at Israel na sangkot sa naturang insidente.
Tiniyak naman ni Khamenei na magbabayad ng malaki ang mga sangkot sa pag-atake.
Samantala, libu-libong naman ang nakiramay sa mga biktima at iginiit ang katarungan at paghihiganti sa Israel at Estados Unidos.
