Binalaan ng isang political analyst ang mga botante na padalos-dalos sa pagdedesisyon kung sino ang iboboto sa eleksyon.
Ayon kay Atty. Romulo Macalintal, sa ngayon ay pawang mga pangako pa lamang ang maririnig sa lahat ng mga kandidato sa eleksyon.
Pinayuhan ni Macalintal ang mga botante na maging mapanuri at laging makinig sa mga pahayag ng mga kandidato at limiin kung sinsero ang mga ito.
“Sa ating mga botante lagi nating pag-aralan ang mga sinasabi ng mga kandidato para tayo’y bumoto hindi dahil sa popular ang kandidato kundi naniniwala tayo na may magagawa siya para sa ating bansa, at tandaan natin na kapag tayo’y bumoto, hindi lang tayo bumoboto para sa sarili lang natin.” Pahayag ni Macalintal.
By Len Aguirre | Balitang Todong Lakas