Nakatakdang ipatupad ni Pangulong Rodrigo Duterte ang land reform program sa Nueva Ecija.
Sa inagurasyon ng bagong drug treatment facility sa bayan ng Laur, Nueva Ecija, sinabi ni Pangulong Duterte na idedeklara niya ang land reform sa lalawigan sa susunod na linggo at magdedeploy ng mga tauhan para sa implementasyon nito.
Ayon sa punong ehekutibo, nakipag-usap na siya sa ilang community member na na-momroblema sa lupain at patubig sa probinsya.
Kung hindi anya ma-re-resolba ang deka-dekadang problema sa lupa ay imposible ring matuldukan ang suliranin sa insurhensiya.
Magugunitang inihayag ng pangulo na nais niyang ipamahagi ang mga lupain partikular ang mga nakatenggang lupa ng gobyerno sa mga agrarian reform beneficiary upang mapagyaman at maisaayos ang kanilang pamumuhay.
