Pinag-aaralan ng gobyerno na muling buhayin ang NCEE o National College Entrance Examination kasunod ng pagsasabatas ng free college tuition fee sa mga SUC o State Colleges and Universities.
Ayon kay CHED o Commission on Higher Education Commissioner Prospero de Vera, ito ay upang paghandaan ang inasahang pagdagsa ng mga estudyanteng nagnanais na ma-avail ang libreng pag-aaral sa kolehiyo.
Mahalaga aniyang masalang mabuti ang mga estudyanteng makikinabang sa naturang batas upang hindi masakripisyo ang magiging kalidad ng edukasyon.
Bagama’t suportado ng Department of Budget and Management o DBM ang panukalang ito ay tanging ang Kongreso lamang ang may kapangyarihan na muling buhayin ang naturang pambansang pagsusulit.
By Rianne Briones