Malalaman sa susunod na dalawang linggo kung ilang bakuna kontra coronavirus disease 2019 (COVID-19) ang makukuha ng Pilipinas mula sa Moderna at Pfizer-BioNTech.
Ayon ito kay Philippine Ambassador to the US Jose Manuel Romualdez, na nagsabi ring nakatakda nang lumagda si vaccine czar Carlito Galvez Jr. ng kontrata sa dalawang pharmaceutical company kaugnay sa suplay ng bakuna.
Gayunman, sinabi ni Romualdez na hindi pa nila batid kung kailan maide-deliver ang nasabing suplay ng bakuna.
