Arestado ang isang nagpakilalang anak ni dating Senador Ramon Revilla Sr. kasama ang isa pa dahil sa tangkang pagpupuslit ng 24 na milyong pisong halaga ng cytotec, isang regulated drug.
Napag-alamang may natanggap nang tip ang Philippine Drug Enforcement Agency o PDEA mula sa international police kayat naharang sina Reuben Bautista at isang kinilalang si Gabby pagdating nila sa bansa sakay ng Singapore Airlines.
Pinigil sina Bautista at Gabby matapos mabigong makapagpakita ng clearance mula sa BFAD o Bureau of Food and Drugs.
Ang cytotec ay gamot laban sa gastric ulcer subalit maaari rin umano itong magamit sa abortion.
By Len Aguirre / Story and Photos By: Raoul Esperas
