Umani ng kaliwa’t kanang batikos ang model-entertainer na si Margaux Uson o mas kilala sa pangalang Mocha.
Ito’y makaraang magpakawala ng maaanghang na mensahe sa kanyang facebook page laban kay incoming Vice President Leni Robredo.
Bagama’t nirerespeto umano niya ang naging resulta ng halalan, nagbanta si Mocha na kanilang tatanggalin sa puwesto si Robredo kapag sumalungat ito sa mga adhikain ng papasok na administrasyon.
Ayon sa mga followers ni Mocha, tila naging mapanghusga ang model-entertainer dahil naniniwala silang hindi naman ganuon ang pagkakakilala nila kay Robredo.
Subalit, sa panayam ng DWIZ, iginiit naman ni Mocha na nakapagtatakang tila sini-single out siya sa mga atake laban kay Robredo.
Bahagi ng pahayag ni Mocha Uson
By Jaymark Dagala | Jelbert Perdez | Ratsada Balita