Nagbigay na ng ultimatum ang Armed Forces of the Philippines sa mga myembro ng NPA.
Ayon kay AFP Public Affairs Office Chief Col. Edgard Arevalo, dalawa lang ang pagpipilian ngayon ng mga rebelde, ang sumuko o mamatay
Umaasa anya ang militar na pipiliin ng mga NPA na sumuko at sumailalim sa Comprehensive Local Integration Program kaysa danasin ang sinapit ng mga napatay nilang kasamahan.
Ayon kay Arevalo, sa buwan lamang ng Nobyembre umabot na sa 21 NPA ang napapatay ng militar at pulisya, 29 ang naaresto habang 69 ang sumuko.