Nagsimula na ang gobyerno ng New Zealand na ilikas ang mga turistang naipit matapos tumama ang magnitude 7.8 na lindol dito.
Ayon kay Prime Minister John Key, kaagad nilang ini-airlift ang mga turista at residente sa bayan ng Kaikoura na dinarayo dahil sa whale watching.
Sa pagtaya ng mga awtoridad, mahigit 1,000 ang mga turistang naipit sa lugar bukod pa sa halos 200 residente roon.
Marami pa ring kabahayan ang nawalan ng kuryente dahil sa nasabing lindol.
By Judith Larino
