Binuweltahan ng Malakaniyang ang mga kritiko ng administrasyon na nagnanais mapatalsik sa puwesto si House Speaker Pantaleon Alvarez.
Ito’y sa harap na rin ng sigalot sa pagitan ni Alvarez at ni Davao City Mayor Sarah Duterte – Carpio bunsod ng itinatag nitong lokal na partido sa Davao na tinawag na Hugpong ng Pagbabago.
Ayon kay Presidential Spokesman Harry Roque, buo pa rin ang tiwala at kumpiyansa ni Pangulong Rodrigo Duterte kay Alvarez na siyang pinagkakatiwalaan at pinakatapat na kaalyado nito sa Kamara.
Dahil dito, kumpiyansa ang Palasyo na malabo at isang pangarap na lamang na maituturing ang mga hakbang na patalsikin si Alvarez bilang ika-apat sa pinakamataas na pinuno ng bansa.