Mga Pinoy hinimok na pakinggan ang SONA ng Pangulo bukas

Iikot  sa mga  isyung  may  kinalaman sa krisis  sa  Marawi City,  muling  pagiging  aktibo ng  illegal na  droga  at  ang  plano sa  loob  ng  5  taon ang  magiging  laman  ng  talumpati ni Pangulong  Rodrigo Duterte  sa  kanyang  ikalawang  State  of the  Nation Address.

Sinabi sa  DWIZ  ni Presidential Communications Secretary Martin Andanar  na  mula sa  35  pahina ay  naging  50 pahina ang   SONA  speech  ng  Presidente.

Wala  aniyang  video presentation   subalit  habang  nagtatalumpati  ang  Presidente  ay  may mga  visuals  na  ipapakita sa  TV  monitor.

Sinabi pa  ni  Secretary Andanar  na  handang  handa  na ang  lahat  ng  preparasyon  at  hinimok ang  publiko na  manood  at  pakinggan bukas  ang  magiging  mensahe  ng  Presidente  para alam ng  sambayanan  kung   ano ang  mga  plano  nito para sa  mga  Pilipino.

By: Aileen Taliping

Comments

comments