Papangalanan na ni Justice Secretary Vitaliano Aguirre sa mga susunod na araw ang taong umupa at ang inupahan para itumba siya.
Ayon kay Aguirre, bagamat galing anya sa A-1 source ang impormasyon ay minabuti niyang magsagawa muna ng counter checking.
Ibinunyag ni Aguirre na ang nag alok ng 50 milyong pisong kontrata para siya itumba ay isang high profile inmate na New Bilibid Prison (NBP).
Bahagi ng pahayag ni Justice Secretary Vitaliano Aguirre
Una na ring nabunyag na may ilang emisaryong ipinadala ang mga drug lord sa New Bilibid Prisons (NBP) sa DOJ Chief.
Ayon mismo kay Aguirre, 100 milyong piso ang iniaalok sa kanya ng mga drug lord ng Bilibid.
Ito’y para suhulan ang kalihim upang hindi na maisulong ang mga repormang kanyang ipinatutupad sa loob ng bilangguan.
By Len Aguirre | Jelbert Perdez | Ratsada Balita