Dapat din umanong linawin ni Pangulong Rodrigo Duterte sa kanyang unang State Of the Nation Address ang plano kung paano nito lulutasin ang ibang isyu ng bansa gaya ng trabaho, edukasyon, at kahirapan.
Ayon kay Senador Bam Aquino, maraming maaaring banggitin ang Pangulo sa kanyang SONA ngunit mas magiging interasado ang publiko na marinig kung paano tutugunan ng Administrasyong Duterte ang mga naturang problema.
Sa Ulat ng Bayan Survey ng Pulse Asia na ginawa mula July 2 hanggang 8, nais ng mga Pinoy na unahin ng gobyerno ang 3 isyung may kinalaman sa ekonomiya.
Ito ang pagtaas ng bilihin, paglikha ng trabaho, at mga programa kontra kahirapan.
Nasa 48% ng mga Pilipino ang nagsabing prayoridad para sa kanila ang paglaban sa kriminalidad.
Naghain sa 17th Congress si Senador Aquino ng panukalang tatapos sa contractualization, magbibigay ng libreng edukasyon sa kulehiyo, at magpapalakas ng programa ng pamahalaan kontra kahirapan.
By: Avee Devierte
