Mahigpit na binilinan ni PNP Chief Dir/Gen. Ronald Bato Dela Rosa ang mga miyembro ng PNPA o Philippine National Police Academy Masidlak Class of 2017.
Sa isinagawang badge of honor ceremony sa Kampo Crame kahapon, pinayuhan ni Dela Rosa ang mga bagong pulis na huwag mamili ng assignment.
Dapat din aniyang isuot ng mga bagong pulis nang may pagmamalaki ang kanilang bagong tsapa na sagisag ng integridad at katapatan sa bansa.
Tinagubilinan din ni Dela Rosa ang mga bagong pulis na huwag lumapit sa mga pulitiko para makakuha ng assignment dahil hindi aniya sila nakatitiyak kung masuwerte o hindi ang kanilang magiging kapalaran.
By: Jaymark Dagala
