Sa edad na 31, itinanghal na pang-apat na pinakamayamang tao sa buong mundo si Mark Zuckerberg, ang Chief Executive Officer ng Facebook.
Batay sa Bloomberg Billionaires Index, nasa 50 bilyong dolyar na ang naitalang yaman ni Zuckerberg at lalo pang tumataas mula nang mapaulat na tumaas ang sales ng Facebook noong January ng higit sa inaasahan.
Dahil dito, naungusan na ni Zuckerberg sa Bloomberg Billionaires Index si Jeff Bezos, ang Chief Executive Officer ng Amazon.
Nananatili namang pinakamayamang tao sa mundo si Bill Gates ng Microsoft na may networth na 78.7 billion dollars, sinundan ni Zara Fashionista Amancio Ortega ng Spain na may 69.3 billion dollars at Wall Street Wizard Warren Buffett na may yamang 59.6 billion dollars.
By Len Aguirre
