Lumalim ang pagkakaibigan nina Mariel Rodriguez at Toni Gonzaga magmula nang mag-away ang dalawa noong 2010.
Bagamat hindi idinetalye ng dalawa ang ugat ng kanilang ng kanilang alitan, aminado sina Mariel at Toni na hindi na sana lumaki pa ang isyu kung naresolba ito sa pagitan lamang nilang dalawa.
Naniniwala si Mariel na dala ng kabataan noon kaya’t hindi maayos na na-handle ang kanilang di pagkakaunawaan.
Kuwento ni Toni, matagal din ang kinailangan nilang panahon bago sila tuluyang magkaayos ng itinuturing niyang bestfriend na una niyang nakatrabaho sa pinakaunang edisyon ng reality show na Pinoy Big Brother noong 2005.
Sa kabila ng matinding pagsubok na ito, masasabi nina Mariel at Toni na mas napatatag nito ang kanilang pagkakaibigan.
