Gumuho na ang maraming bahay sa Laurel, Batangas partikular sa Barangay Boso-Boso dahil sa kapal ng abo na ibinuga ng Bulkang Taal.
Ayon sa mga residente, kasabay nang pagguho ng kanilang mga bahay ang pagguho ng kanilang pangarap na binuo sa loob ng kanilang mga tahanan.
Umaapela pa rin ang mga residente ng tulong para muling maipatayo ang kanilang mga bahay.
Samantala, pahirapan din ang pagdaan sa kalsadang nag-uugnay sa mga bayan ng Laurel at Agoncillo dahil sa makakapal na abo at nagtumbahang puno.
