Nasa kustodiya ngayon ng Bureau of Immigration (BI) sa Puerto Princesa City ang mahigit 300 Chinese nationals.
Ito’y matapos magsagawa ng operasyon ang ahensya kasama ang Armed Forces of the Philippines (AFP) sa walong (8) establisyemento sa nasabing lugar dahil sa gambling operation.
Nabatid na nag-ooperate ng walang permit at kaukulang visa ang naturang mga dayuhan.
Narekober sa mga ito ang mga laptop, cellphone, sim card at iba pang gadget na ginagamit sa kanilang iligal na gawain.
Posibleng maharap sa violation of the Condition of Stay and Undesirablity ang mga Chinese.