Nasopresa ang mga kabataan sa isang bahay ampunan sa lungsod ng Maynila nang bisitahin sila ng Queen of Pop na si Madonna.
Hindi umano inaasahan ng Bahay Tuluyan Foundation ang pagdating ng Pop Queen dahil madalian lamang ang naging pakikipag-ugnayan sa kanila ng mga organizers ng konsyerto nito sa Maynila.
Nakiusap umano ang mga organizers sa bahay ampunan na gawing simple at pribado lamang ang pagbisita roon ni Madonna.
Dahil dito, tumagal lamang ng isang oras ang nasabing pagbisita kung saan, inilaan ng Pop Queen ang panahon para makipaglaro, sumayaw at kumanta kasama ang mga batang ulila at biktima ng child trafficking.
By Jaymark Dagala
Photo: Screengrab from Instagram/madonna
