Mas hahabaan na ng pamunuan ng LRT Line 2 ang kanilang operasyon simula sa Lunes, Hulyo 3 upang makasabay sa operasyon ng LRT Line 1 gayundin ng MRT Line 3.
Ayon kay LRTA Adminsitrator Gen. Reynaldo Berroya, alas 4:30 na rin ng umaga magbubukas ang LRT Line 2 upang mapagsilbihan ang mga residente mula sa lalawigan ng Rizal.
Dagdag pa ni Berroya, ginawa nila ang nasabing hakbang dahil mas pinipili na ngayon ng mas maraming pasahero ang bumiyahe ng mas maaga .
Samantala, nagka-aberya ang biyahe ng LRT Line 2 kahapon bunsod ng naranasang malakas na pag-ulan dulot ng thunderstorm sa Metro Manila.
Batay sa abiso ng LRTA, ala 5:01 kahapon nang magpatupad sila ng provisionary service mula anonas hanggang Recto Stations at pabalik.
Paliwanag ng LRTA, tinamaan ng kidlat ang isa sa kanilang catenary wire malapit sa Anonas station kaya’t muling nilimitahan ang biyahe mula Recto hanggang J.Ruiz stations lamang.
By Jaymark Dagala / Raoul Esperas (Patrol 45
Operasyon ng LRT Line 2 mas hahabaan na was last modified: July 1st, 2017 by DWIZ 882