Naglabas ang pamunuan ng Philippine Coast Guard (PCG) ng updated master list ng mga nagbalik bansang mga Pinoy na nagnegatibo sa coronavirus disease 2019 (COVID-19).
Batay sa tala, na inilabas kagabi, Hunyo 2, nasa kabuuang 47,536 na ang mga Overseas Filipino Workers (OFW) na negatibo sa isinagawang RT-PCR test.
Kasunod nito, sa mga nagbalik bansa na mga Pinoy na nasa listahan ang pangalan, maari nang makipag-ugnayan sa mga tauhan ng PCG o OWWA na nasa quarantine facilities, para masimulan nang maproseso ang pagbabalik probinsya ng mga ito.
