Tuluyan nang ibinigay ng Japan sa Philippine Navy ang limang surveillance at patrol aircraft na kanilang unang ipinahiram sa bansa.
Ayon kay National Defense Spokesman Director Arsenio Andolong, sa ginanap na bilateral defense talk ng dalawang bansa sa PICC noong Lunes, kinansela ng Japan ang kontrata ng Pilipinas sa pag-renta sa limang Tc-90 Beechcraft surveillance and patrol planes nito.
At sa halip ay nagdesisyon ang Japan na i-donate na lamang ang mga nasabing eroplano sa Pilipinas.
Matatandaang, Oktubre ng nakaraang taon nang pirmahan ng Pilipinas ang kontrata ng pagrenta sa limang lumang surveillance aircraft ng Japan para magamit sa pagpapatrolya sa mga teritoryo ng bansa.
Nagpasalamat naman ang Department of National Defense o DND sa Japan sa donasyon nitong 5 eroplano at military equipment.
Dalawa sa mga naturang eroplano ay nai-deliver na sa ilalim ng lease agreement.
Samantala ang tatlo pang bagong eroplano ay ide-deliver sa susunod na taon.
Ang mga nasabing eroplano ay makakatulong sa pagpap trolya ng mga awtoridad sa karagatang sakop ng Pilipinas.
—Judith Larino/ (Ulat ni Jonathan Andal)