Tiwala si Albay Representative Edcel Lagman na maipapasa na ang Divorce Bill bago magtapos ang 17th Congress sa susunod na taon.
Paniwala ng mambabatas, mas mabilis pang maisasabatas ang naturang panukala kumpara sa kontrobersyal na Reproductive Health Bill.
Ayon sa kongresista, target nilang maaprubahan sa plenary level ang consolidated o substitute Divorce Bill bago ang International Women’s Day sa buwan ng Marso.
Giit ng mambabatas, nais nilang ipaabot sa mga kababaihan sa bansa na pro-women legislation ang isinusulong nilang Divorce Bill lalo na’t sila ang madalas na biktima ng failed marriages.
Sa katunayan aniya, sa tuwing nagkakaroroon ng pagtatalo ang mag-asawa, madalas na nagiging kawawa ang babae dahil sa napagbubuhatan ng kamay ng kanilang mga mister.
