Tiniyak ng pamunuan ng Bureau of Jail Management and Penology o BJMP na natutugunan ang mga pangangailangan ng mga bilangguan sa iba’t ibang jail facilities.
Ginawa ni BJMP Spokesman Jail Senior Inspector Xavier Solda ang pahayag sa gitna ng matinding init na nararanasan sa maraming lugar sa bansa.
Sa panayam ng DWIZ, sinabi ni Solda na hindi talaga maiwasan na may mga bilanggo na nagkakaroon ng bulutong tubig o chicken pox, pigsa, at iba pang sakit na karaniwang uso kapag mainit ang panahon.
Subalit, sinabi ng BJMP official na mino-monitor namang mabuti ng mga medical personnel ang kalagayan ng mga preso.
Bahagi ng pahayag ni BJMP Spokesman Jail Senior Inspector Xavier Solda
By Jelbert Perdez | Ratsada Balita
