Sisimulan na ng Department of Public Works and Highways (DPWH) ang konstruksyon ng temporary dormitories para sa healthcare workers ngayong linggo.
Ayon kay DPWH secretary Mark Villar, ang nasabing proyekto ay tatawaging “We Heal as One Offsite Dormitory” na itatayo sa Quezon Memorial Circle.
Ani Villar, ang isang offsite dormitory ay kayang makapag-accomodate ng 32 medical personnel.
Inaasahang malaki ang maitutulong nito para sa mga medical personnel ng East Avenue Medical Center, Philippine Heart Center, Lung Center of the Philippines, National Kidney and Transplant Institute, Veterans Memorial Medical Center, V. Luna Medical Center, at iba pang hospital workers.
