Patay ang isang konsehal ng Camotes Island matapos na tambangan ng mga hindi pa natutukoy na salarin.
Nakilala ang biktima na si Marcelo Rosalinda, 59 na taong gulang at konsehal ng Barangay Esperanza , San Francisco sa nasabing isla.
Ayon kay SPO1 Ronjie Cendro ng San Francisco PNP, nagmamaneho lamang ng kanyang sasakyan ang konsehal nang bigla itong pagbabarilin ng dalawa katao na lulan ng isang motorsiklo.
Agad na binawian ng buhay ang biktima matapos na magtamo ng maraming tama ng bala ng baril sa kanyang katawan.
Samantala, sampung minuto matapos ang naturang pangyayari, binaril naman ang isang tambay sa nasabing lugar na kinilalang si NJ Andrade.
Sa ngayon , inaalam na ng mga otordidad kung may koneksyon ang pagpatay sa konsehal at kay Andrade.