Nagsimula nang mag-rasyon ng tubig ang city government ng Kidapawan sa mga lugar na labis na sinalanta ng El Niño.
Kabilang sa mga nirasyunan ng tubig ayon kay Kidapawan City Mayor Joseph Evangelista ay mula sa mga sitio ng Quarry, Nazareth at Puas Inda sa Barangay Amas at Sitio Lika sa Barangay Onica.
Ayon sa City Disaster Risk Reduction and Management, natuyo dahil sa El Niño ang mga balon na pinagkukunan ng tubig ng mga residente ng mga nasabing barangay.
Nirasyunan ng 25 litro ng tubig ang kada pamilya sa mga naturang barangay sa Kidapawan City.
By Judith Larino